افتكاسات مصرية الحكومة اتعينت من الرئيس السابق عدلي منصور واتجددلها من السيسي

افتكاسات مصرية 
الرئيس السيسي منزلش برنامج انتخابي ونجح باكتساح 
الحكومة اتعينت من الرئيس السابق عدلي منصور واتجددلها من السيسي 
الحكومة معملتش خطة وكل اللى بتقدر تعمله انها رفعت دعم رغيف الخبز 
الديون بتزيد ووصلت ل 2000 مليار و لسه عايشين على الاعانة من الخليج 
الحكومة حلت ازمة الباعه الجائلين ومشتهم من الشوارع اللى كانوا مستولين عليها وبيبلطجوا فيها بس مشفتلهمش بديل يعني هيرجعوا تاني لان مفيش وظائف ولا محلات و لا انشات اسواق وممكن يتحولوا لمجرمين او بلطجية علشان يلاقوا ياكلوا الرغيف بقي ب 33 قرش 
الوزراء بيتعينوا حسب الولاء بدون خطة واختارهم محلب و هيشيلهم عشان يجيب وزراء غيرهم برده بدون خطط ولا هيعملوا حاجة برده لان عندنا فى مصر كل شئ افتكاسات 
طب الصح ايه يا متعلمين يابتوع المدارس 
مفيش حد يستلم وزارة او منصب الا الاصلح وهنجيبه ازاي مسابقه واعلان لكل مواطن مصري يقدر يحل الازمة مين يقدر يطور الوزارة او الهيئة او الجهة او الملف الخاص تعليم صحة اسكان بطالة الخ تجارة صناعه استثمار
لكن طول ما هي دايرة معارف وشللية للاسف مفيش حد هيعرف يعمل اي حاجة الا الافتكاسات وهنفضل كده لان ما بني على باطل فهو باطل وفى النهاية هنلاقي الشعب مالي الميادين تاني اتقوا الله فى مصر وفى انفسكم وخافو الله فى بشر ستحاسبون عليهم يوم القيامه كل سيتقدم بمظلمته القاضي هو الله و الشهود الناس والملائكة وصاحب الحق سلطان 
تابعونا فى افتكاسات مصرية ممكن نعملها صفحة عشان لازم نفهم